06
октябрь
2023
2023 жылдың 4-5 қазан күндері Астана қаласында Оқу-ағарту министрлігінің ұйымдастыруымен Республикалық педагогтер съезі өткізілді.
2023 жылдың 4-5 қазан күндері Астана қаласында Оқу-ағарту министрлігінің ұйымдастыруымен Республикалық педагогтер съезі өткізілді.Кәсіби мереке қарсаңында алғаш ұйымдастырылған съезде Президентіміз Қасым-Жомарт Кемелұлы Тоқаев ұстаздар қауымын құттықтап, жылы лебізін білдірді. Білім саласындағы 7 өзекті мәселе көтеріліп, тапсырма берілді.Съезд барысында Қ.Тоқаев ұстаздарды кәсіби мерекесімен құттықтады.
«Баршаңызды Республикалық педагогтер съезінің ашылуымен құттықтаймын. Ұстаздар күні құтты болсын! Бүгін, шын мәнінде, өте маңызды жиын. Себебі ұстаз – ең алдымен, қадірлі маман. Ал, ұстаз болу – қастерлі міндет. Бүгінде еліміздің болашағы жарқын болып, дамыған мемлекетке айналуы үшін мұғалімдер қауымы аянбай еңбек етіп жүр. Жалпы, кім-кімнің де жақсы адам, мықты маман болуы ұстазына байланысты.
Ахмет Байтұрсынұлы «Біз елді түзеуді бала оқыту ісін түзеуден бастауымыз керек» деген. Ұлт ұстазының бұл сөзі қашанда орынды. Білім мен ғылым – табысқа жетудің ең басты кілті. Өскелең ұрпаққа тағылымды тәрбие және озық білім беру – өте маңызды міндет», - деді ол құттықтауында. Президент баяндамасы мектеп ұжымымен таныстырылды.